Introduzzjoni

Messagg tal-Provincjal

Merħba. Kif int? Int dħalt fil-website tar-Reliġjużi Agostinjani jew, kif jafuna ħafna, “il-patrijiet ta’ Santu Wistin”. F’din il-website tkun tista’ ssib ħafna tagħrif u għajnuna. Minħabba li għandna ħafna ħbieb Maltin u Għawdxin kemm f’Malta u Għawdex u wkoll barra, f’din is-site aħna naqsmu magħkom aħbarijiet fuqna nfusna, tagħrif fuq Santu Wistin li fih sibna l-ideal ta’ kif nimxu wara Kristu, tagħrif dwar organizzazjoni u ħidmiet tagħna, tagħrif dwar membri tal-provinċja tagħna Maltija, dwar knejjes, kunventi u għaqdiet tagħna u ħwejjeġ oħra... Tkunu tistgħu ukoll issibu kif tikkuntattjawna fuq kull ħaġa li nistgħu ngħinukom fiha... kif tikkuntattjaw xi wieħed minna, kif tkunu tistgħu tkunu tafu aktar fuq is-sejħa għall-Ħajja Kkonsagrata fl-Ordni ta’ Santu Wistin, kif tistgħu tikkuntattjawna fuq xi diffikultà li jkollkom. Nieħdu gost ukoll jekk tissuġġerielna x’taħseb li hu nieqes jew meħtieġ fiha....

Idħol u fittex, daqs li kieku kienet dar żgħira oħra għalik. Nieħdu gost jekk, b’xi mod, tidħol f’kuntatt ma’ xi ħadd minna. Fiha se ssib ukoll links li tista’ tuża għal sites oħra, agostinjani u oħrajn.

Li tfittex huwa tajjeb. Santu Wistin għaddu ħajtu jfittex il-verita’ dwar kollox. Sakemm sab li l-verita’ hgija Persuna... li kienet qed tfittex lilu!
Sliem.

Patri Manwel Borg Bonello OSA