Qaddisin Agostinjani

Marjanna ta' San Guzepp
1568 - 1638 AD

Marjanna de Manzanedo y Maldonado twieldet f’Alba de Tormes (Salamanca), fl-istess post fejn 14-il sena wara mietet Santa Tereza ta’ Gesù, li kienet tafha u l-laqgha maghha tant influwenzatha li qrat dak kollu li kitbet u kienet taghrafha bhala kittieba mistika u fundatrici andariega tal-monasteri. Il-familja taghha kienet nobbli u religjuza hafna. In-nannu taghha min-naha ta’ ommha kien sar qassis u n-nanna dahlet f’kunvent ma’ bintha. L-istess ghamel missierha meta safa armel, sar qassis ukoll. Ta’ tliet snin Marjanna haduha tghix f’Ciudad Rodrigo u billi sfat orfni meta kellha 8 snin intbaghtet fil-monasteru tas-sorijiet Agostinjani tal-post. Hemmhekk il-vokazzjoni taghha ssahhet u ta’ timintax-il sena dahlet soru. Fl-1588 hadet il-voti. Bhala religjuza, majjistra tan-novizzi, u superjura tal-monasteru hija baqghet tghix xewqitha, dik tal-perfezzjoni li kellha dejjem f’qalbha minn mindu kienet ghadha ckejkna. Fl-1603 il-provincjal Agostinjan ta’ Castiglia, Agostino Antolínez, li xtaq jiftah monasteru riformat f’Eibar fil-Guipúzca haseb fiha u baghatha bhala superjura – il-monasteru ta’ Marianna kien ta’ dawk li beda Alfonso de Orozco fil-monasteru tal-Vizitazzjoni ta’ Madrid. Marjanna mbaghad waqqfet ohrajn f’Medina del Campo, Valladolid u Palencia. Filippu III ta’ Spanja u Margerita ta’ Austria fl-1611 riduha twaqqaf f’Madrid il-Monasteru ta’ l-Inkarnazzjoni. Wara dan dahal ukoll fl-istituzzjoni jew gie nkorporat fir-riforma ta’ hames monasteri ohra. Matul hajjitha kollha kellha devozzjoni ghall-misteru tal-Passjoni tal-Mulej li l-qofol tieghu hija l-Ewkaristija. Mara ta’ fidi u mhabba lejn Alla u lejn il-proxxmu kienet maghrufa ghas-serjetà u l-umiltà f’hajjitha u ghall-kuragg u l-prudenza f’dak kollu li waqqfet u li mexxiet. F’kitbitha nsibu s-semplicità maghquda ma’ l-esperjenza mistika taghha. Mietet fil-Monasteru ta’ l-Inkarnazzjoni ta’ Madrid fejn il-fdalijiet taghha ghadhom hemm sallum. Fit-2 ta’ Marzu 1993 il-Vatikan ta l-approvazzjoni ufficjali u bdiet il-kawza djocesana (mis-27 t’April 1993 sal-10 ta’ Lulju 1996) u din ghaddiet ghand il-Kongregazzjoni tal-Qaddisin f’Ruma fejn fid-29 ta’ Novembru 1997 hareg id-digriet tal-validità.