Qaddisin Agostinjani

Tumas Jihyoe ta' Santu Wistin
c. 1637 AD

Il-persekuzzjonijiet mhux biss joholqu l-martri izda kemm-il darba jaghmlu wkoll “suldati ta’ Kristu”. Hekk kien Tumas Jihyoe, Agostinjan Gappuniz, li kien suldat bl-isem ta’ Kintsuba waqt il-persekuzzjoni kontra l-kristjani fis-seklu XVII. Ghal hames snin laghab bis-suldati ta’ l-imperatur li kienu qed ifittxuh biex jaqbduh ghax kien qassis kattoliku. Twieled f’Omura, vicin Nagasaki ghall-habta tal-1600. Il-genituri tieghu, ghalliema tar-religjon, mietu t-tnejn martri ghall-fidi taghhom. Minn meta kien ghadu zghir hu kien imur l-iskola tal-Gizwiti f’Arima. Minhabba l-persekuzzjoni din l-iskola ghalqet u huwa mar Macao biex ikompli l-istudji. Wara li kien tah parir missjunarju Agostinjan fl-1622 mar Manila fil-Filippini u fl-1624 dahal fil-kunvent ta’ Santu Wistin Intramuros, imbaghad mar Cebú biex jistudja t-teologija u ha l-quddiesa. Kienet ga bdiet il-persekuzzjoni u l-missjunarji wiehed wara l-iehor kienu qed jigu meqruda u ghalhekk il-komunitajiet kristjani thallew wehidhom. Tumas hass li postu kien f’pajjizu u wara hafna tahbit fl-1631 mar lura f’Nagasaki. Billi kien Gappuniz seta’ bla tfixkil jahbi li kien qassis kattoliku, izda hu kien kuragguz u mimli bi spirtu kbir ta’ fidi u dahal mal-gvernatur ta’ Nagasaki bl-isem ta’ Kintsuba. Hekk seta’ jghin lil Patri Bartilmew Gutiérrez fil-habs sakemm dan ha l-martirju u wara ha postu u beda jghin lill-habsin kristjani u jaghmillhom kuragg. Dawn bdew juru tant kuragg li l-gvernatur beda jithasseb li kien hemm xi qassis mohbi. Meta Tumas nkixef mar f’ghar hdejn il-belt u hemm bdiet il-kacca ghalih, li ghadhom isemmuha sallum. Hu kien johrog bil-lejl biex jiltaqa’ mal-kristjani u jaghtihom is-sagramenti izda kien dejjem ibiddel surtu. Fl-ahhar fl-1637 gie maqbud b’kumbinazzjoni. Kien hu stess li qal lil dawk li qabduh min kien, ghaliex hasbuh xi semplici kristjan mahrub. Ghal hafna xhur tawh torturi kbar biex forsi jichad ir-religjon u fis-6 ta’ Novembru 1637 haduh fil-post li bdew isejjuhlu ‘l-gholja tal-martri’ u dendluh minn saqajh ghal go hofra fl-art sakemm miet. F’ Novembru 1982 ismu gie mnizzel fil-lista ta’ 187 martri iehor li l-isqfijiet Gappunizi bdew il-kawza tal-kanonizzazzjoni taghhom u wara li ghaddiet f’ idejn il-postolatur ta’ l-Ordni issa waslet ghand il-Kongregazzjoni tal-Qaddisin f’Ruma.