Spiritwalita'

Introduzzjoni

L-ghan ta’ din il-kitba huwa li naghti ideja ta’ l-ispiritwalita’ ta’ Santu Wistin. Il-qalba ta’ l-ispiritwalita’ ta’ Wistin tista’ tigi mqassra minn Wistin innifsu mill-kwotazzjoni popolari: “Int ghamiltna ghalik, u qalbna ma ssibx kwiet qabel ma tistrieh fik” (Stqarrijiet 1,1,1). Ghalhekk, l-punt tat-tluq ta’ l-ispiritwalita’ huwa fil-fatt li l-bniedem hu mahluq xbieha ta' Alla. Wara, Wistin jikkonferma li l-bniedem hu mahluq b’tendenza mmedjata lejn Alla, ghalhekk, l-bniedem jista’ jasal ghand Alla. Fl-ahhar, hu jipproponi t-triq ta’ l-interjorita’ bhala mezz li bih il-bniedem jilhaq lil Alla. B’hekk, il-bniedem hu assistit mill-grazzja ta’ Alla. Perspettiva ohra fundamentali ta’ l-ispiritwalita’ ta’ Wistin hija dimenzjoni komunitarja.